Эремчекле кабартма рецепты

Кирәк булачак: 2 күкәй, 200 грамм эремчек, 100 грамм сөт, бераз тоз, 50 грамм сыр, 100 грамм он, разрыхлитель.

Тирән савытка күкәй сытабыз, шуңа эремчек, сөт, ярты чәй калагы тоз салып туглыйбыз. Кыргычта уылган сыр өстәп, тагын болгатабыз. Онга  камыр кабарткыч-разрыхлитель кушып, эремчекле катнашмага салабыз һәм яхшылап болгатабыз. 

Эремчекле камырны аш чүмече белән алып, кызган майлы табага салабыз. Өстен каплыйбыз һәм акрын утта ике ягын да пешерәбез.