Туганайлар

Татарстан

18+
2024 - Гаилә елы
Полезная информация

Редакция коллективы

Безнең дус коллектив.

ГУБИНА ЮЛИЯ ЮРЬЕВНА

җитәкче - баш редактор

Юлия Юрьевна 2014 елда Казан Федераль университетының экология һәм география факультетын тәмамлап, эколог белгечлеге алаган. 2015 елның июлендә “Туганайлар” газетасы редакциясенә корреспондент булып урнашты. Мәкаләләрне күңелгә үтеп керерлек итеп яза белүе белән тиз арада газета укучылар игътибарын яулап, үзен талантлы журналист итеп танытты.

2018 елның декабреннән “Туганайлар” редакциясенә җитәкче-баш редактор итеп билгеләнде. Юлия Юрьевна яңадан-яңа идеяләре белән газетаны һәм электрон сайтны тагын да эчтәлеклерәк итү максатын куя. 

МОРАТОВА ФИРАЯ МУФАЗДАЛОВНА

редактор

Татарстанның атказанган матбугат һәм массакүләм коммуникацияләр хезмәткәре Фирая Муфаздаловна 2019 елның октябреннән, договор нигезендә, “Туганайлар” газетасында эшли башлады, 2021 елның февраленнән – редакция штатында. Озак еллар дәвамында район газетасында эшләгән. Татар телендә язучы тәҗрибәле журналист. Кирәк чакта һәркемгә ярдәмгә килергә әзер.

ДМИТРИЕВА ОЛЕСЯ ОЛЕГОВНА

социаль челтәрләр буенча белгеч (SMM белгеч)

Олеся Олеговна Казан милли тикшеренү технология университетының ул чагындагы икътисад, идарә, хокук һәм социаль сфераны оештыру факультетында белем алган. “Салават күпере” журналында бүлек редакторы вазыйфасын үтәгән. 2020 елның 26 июненнән – “Туганайлар” газетасында корреспондент. Ә 2022 елдан социаль челтәрләр буенча белгеч итеп билгеләнде.

Олеся – социаль челтәрләрдәге группалар өчен җаваплы хезмәткәр. Һәркем белән уртак тел таба алу сәләтенә ия, кешеләрне бер күрүдә үзенә җәлеп итә белә. Кызыклы идеяләрне тормышка ашырырга, иҗади фикерләргә ярата.

САБИРОВА ФИРДАНИЯ ИЛГИЗОВНА

компьютер версткасы буенча дизайнер

Фирдания Илгизовна 2012 елда Казан Федераль университетын филолог-преподователь белгечлеге буенча тәмамлаган. “Ватаным Татарстан”, “Шәһри Казан”, “Мәдәни җомга” кебек республика газеталарында һәм “Право и жизнь” журналында эшләп, олы тәҗрибә туплаган.

“Туганайлар” редакциясендә Фирдания Илгизовна 2016 елның сентябрендә офис-менеджер булып эшли башлый, ноябрь аеннан дизайнер-верстальщик вазифасы йөкләнә. Килүгә үк, замана таләпләреннән чыгып, газета бизәлешенә үзгәрешләр кертүгә игътибар бирә. Профессионалларча осталык һәм табигатьтән бирелгән рәссамнарча тоемлау белән газетаның һәр полосасын тиешенчә бизи. Газетаны тагын да баерак эчтәлекле итү буенча аның тарафыннан кызыклы идеяләр, тәкъдимнәр еш яңгырый. Верстка өлкәсендәге яңалыклар, шулай ук, башка газеталарның бизәлеше, алардагы үзгәрешләр белән даими кызыксынып, барысын да күзәтеп бара.

ВӘЛИТОВА ФРИДА ЗАҺИРОВНА

корреспондент

Фрида Заһировна – белеме буенча укытучы. Ул “Туганайлар” редакциясенә 2022 елның январь аенда килде. Бирегә аны балалар белән эшләгән елларында да иҗат дөньясында кайнавы, газетада эшлисе килү теләге алып килә. Ул башкалар язган роман-хикәяләрне укып кына калмый, үзе дә шигырьләр, хикәяләр иҗат итә. Редакциягә эшкә килгәнче үк, аның язмалары “Туганайлар” газетасында урын ала иде.

Авыл, аның кешеләре, төрле гыйбрәтле язмышлар, кызыклы хәлләр турында язарга ярата. Катлаулы темаларга алынудан да курыкмый.

ШӘЙХЕЕВА ЭЛЬМИРА ЗӨФӘРОВНА

офис-менеджер

Эльмира Зөфәровна белгечлеге буенча бухгалтер, шуңа да 1С программасын бик тиз үзләштерде. 

Редакциягә килгән электрон хатларга вакытында җавап биреп, бухгалтерия белән тыгыз элемтәдә тора. Тиешле документларны вакытында эшләүгә зур игътибар бирә. Договорлар, актлар, рәсми хатлар, приказлар, финанс һәм подписка мәсьәләсендә оешмалар белән элемтә, типография эше, телефоннан шалтыратучыларга җавап бирү – болар барысы да Эльмира өстендә. Үзенең турыдан-туры эшен башкару белән беррәттән, сайтка куяр өчен материаллар әзерләргә дә җитешә.

САБИРОВА ЭНҖЕ РАВИСОВНА

офис-менеджер

Энҗе Рависовна 2012 елда Казан Федераль университетын бик яхшы билгеләренә генә тәмамлап, туган тел һәм әдәбияты укытучысы һәм, шулай ук, журналист белгечлеге алган. 2014 елның 1 июленнән “Туганайлар” редакциясендә офис-менеджер булып эшли.

Бүгенге көндә Энҗе нәни кызы белән декрет ялында.

 

2008-2018 елларда баш редактор булып эшләгән Людмила Даниловна Белоусова һәм аның урынбасары булган Ирина Айдаровна Муллина әлеге көннәрдә дә редакция белән тыгыз элемтәдә торалар.

БЕЛОУСОВА ЛЮДМИЛА ДАНИЛОВНА

баш редактор

МУЛЛИНА ИРИНА АЙДАРОВНА

баш редактор урынбасары

 

Следите за самым важным и интересным в Telegram-каналеТатмедиа

Керәшен дөньясындагы яңалыкларны ВКонтакте, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Оставляйте реакции

12

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X