Белеп торыгыз

Пальто, шарф һәм башлыкны кыш дәвамында 3-5 мәртәбә юарга кирәк. Перчатка һәм бияләйне атна саен юыгыз. Әгәр дә күн перчатка кияргә яратсагыз, аны кыш өчен бер-ике пар алып куегыз. Перчаткага ияргән зарарлы матдәләр ике көн эчендә юкка чыгуын истә тотып, күн перчатканы ике көнгә бер алмаштырып киегез. Әгәр дә химик юл белән генә чистарту каралмаган очракта, пуховикларны да кер юу машинасында әйләндереп алырга була.

Әлбәттә, яз җиткәч кышкы киемнәрне шкафка элеп куйганчы, башта юарга онытмагыз. Аларны кәгазь пакетларда, тукымадан тегелгән чехолда һәм картон тартмаларда сакларга тырышыгыз. Пластик контейнерлар һәм пакетлар кием саклау өчен яраксыз.

Кышкы киемгә урамнан (транспортта, кибеттә) ияреп кергән бактерияләр ике атналап яши. Ковид вирусы ике көннән юкка чыга.

"1000 секретов" журналыннан