Керәшеннәр галим Ильминскийны искә алачаклар

Галим, миссионер Николай Ильминский 1822 елның 5 маенда дөньяга килә. 1891 елның 27 декабрендә 69 яшендә каты авырудан мәңгелеккә күчә. 2022 елда Ильминскийның тууына – 200, ә үлеменә 130 ел була. 
Николай Ильминский үз язулары булмаган керәшеннәр өчен рус хәрефләренә нигезләп, 1862 елда беренче алфавитны төзи. Керәшеннәр аны үз апостоллары дип тә атыйлар.
10 январь көнне керәшен священниклары, Ильминскийны искә алып, Казан шәһәрендәге Арча зираты янындагы чиркәүдә служба уздырачак. Келәү, Казан һәм Татарстан митрополиты Кирилл бәхиллеге белән, иртәнге 8 сәгатьтә башлана, чиркәү-керәшен телендә узачак.