«Саный китсәң, хәйран икән артистлар-карендәшләр...»

Саный китсәң, хәйран икән
Артистлар-карендәшләр.
Берсен аерып мактасам,
Калганнары соң нишләр?

Барысы да бик талантлы,
Барысы да булдыра.
Иң дәрәҗәле арада –
Ганиева Венера.

Өлкән буын арасында
Гөргөри дәй Ибушев.
Яшьләргә үрнәк күрсәтә,
Җырлый йөрәген кушып.

Яшьләребез дә искиткеч – 
Игорь, Марина, Вадим.
Калышмыйлар бер-берсеннән
Һич кенә дә бер адым.

Оксана, Снежана, Лена –
"Бәрмәнчек" кызларыбыз.
Эстрадабыз күгендә
Якты йолдызларыбыз.

Театр сәхнәсендә дә
Бар безнең керәшеннәр.
Олег-"Микулай", Артём Пискунов,
Арымый эшләсеннәр.

Онытылмый Вера апа да,
Николай Дунаев та.
Күпме матур рольләр бирде
Алар безнең халыкка.

Барысын да искә алып
Бетерү мөмкин түгел.
Керәшеннәрнең һәммәсен
Ярата минем күңел.