15 миләшле «Айбагыр» аллеясе барлыкка килде

«Айбагыр»га әзерлек вакытында смена җитәкчесе Игорь Шрыков: «15 еллыкка 15 агачтан торган «Айбагыр»аллеясе утыртачакбыз», — дип әйткән иде.

Этносменаның юбилеен билгеләп үтәргә килгән кунаклар бергәләп әлеге эшне башкарды:  Татарстан төбәк керәшен иҗтимагый оешмасы җитәкчесе Иван Егоров; Татарстан Рәисе эчке сәясәт мәсьәләләре департаментының милли сәясәтне тормышка ашыру идарәсе начальнигы Данил Мостафин; Татарстан халыклары ассамблеясе советының башкарма комитеты җитәкчесе Ренат Вәлиуллин; Татарстан яшьләр эшләре министрлыгының гражданнар патриотлыгы бүлеге начальнигы Павел Таланов; республика төбәк керәшен иҗтимагый оешмасының башкарма комитеты җитәкчесе, Я.Емельянов исемендәге мәдәни үзәк директоры Людмила Белоусова; Россия Дәүләт Думасы депутаты Максим Топилин; Яшел Үзән районы башлыгы, Яшел Үзән шәһәре мэры Михаил Афанасьев; республиканың «Лето» үзәге директоры Нина Шимина.

Агач үсентеләре  утыртудан беркем дә читтә калмады, җиң сызганып, чокыр казыдылар. Тиз арада агачларны утыртып та куйдылар. Әлеге аллея «Мирас»та традицияләрбезнең дәвамлылыгы билгесе булачак.

Фото: Алина Кондратьева