"Сакаллымы, шома йөзлеме": Россиядә кызлар нинди егетләрне күбрәк ярата?

Сораштыру нәтиҗәләрен РИА Новости агентлыгы хәбәр итте.
Тикшеренү мәгълүматы буенча, кызларның 69 проценты шома итеп кырынган ир-атларны ярата икән. 22 процентына сакал-мыегы җиңелчә генә үскән ир-атлар ошый. 11 процентына кыска сакаллы егетләр якынрак. Кызларның 9 проценты мыеклы егетләрне ярата. Ә 7 процентына исә сакал-мыек, кырынган-кырынмаган - барыбер икән.
Ир-атларның 93 проценты беркайчан да сакал үстермәгәнен әйткән. Аларның 90 проценты бакенбард та ясамаган. 76 проценты сакалын кыска итеп ясарга җөрьәт итмәгән, 71 проценты мыек үстерергә теләми.
Озын сакаллы ир-атларның 35 проценты кырынырга иренгәнен әйткән. 30 проценты өчен сакал гадәткә кергән, 16 проценты сакал матурайта дип саный, 10 проценты исә олырак һәм затлырак күренер өчен сакал үстерә.

Чыганак: Интертат

Фото: https://pixabay.com