Төрледән-төрле ни төрле

Петуния шау чәчәктә булсын дисәгез

Туганайлар, 8 июнь 2024 - 07:00

198

Хәзер петуния үсмәгән бакча бармы икән? Аны түтәлләргә дә, аерым савытларга да утыртып үстерәләр.

Петуниянең тамыр системасы бик көчле, шуңа күрә аңа туфрак күп кирәк. Бер төп үсемлеккә 5 л туфрак исәбеннән утыртыр урын сайлагыз. Әгәр савытка утыртасыз икән, 10 л чүлмәккә ике генә төп чәчәк сыя дигән сүз.
Июньнең беренче яртысында үсемлекләргә азотлы ашламалар кертү кирәк булса да, азот күпкә китсә, ул яфракка котыра, ә менә чәчәк бөреләре яралмый. Петунияләр чәчәк атсын өчен аларга фосфор белән калий кирәк.
Бу чәчәккә суны сирәк, әмма бер сипкәндә мул итеп сибәргә кирәк. Ә менә ачык туфракка утыртып, әле яхшылап тамыр җибәргәнче, киресенчә, суны аз-азлап еш сибеп тору сорала. Петуния көчәеп үсеп китеп тә, чәчәккә бөреләнергә ашыкмый икән, су сибүне чикләбрәк карагыз.
Искиткеч матур петунияләр үстерүнең тагын бер сере — шиңә башлаган чәчәкләрне, үзләре кибеп төшкәнен көтмичә, өзеп ташларга кирәк. Шулай эшләгәндә яңадан-яңа чәчәкләр атып кына торачак.
Петуния кояшлы җирдә генә мул итеп чәчәк ата. Күләгәне бик авыр кичерә ул, сабагы озыная, чәчәкләре булмый.

Следите за самым важным и интересным в Telegram-каналеТатмедиа

Керәшен дөньясындагы яңалыкларны ВКонтакте, Телеграм-каналда карап барыгыз.

Хәбәрләрегезне 89172509795 номерына языгыз, шалтыратып әйтегез.

Telegram-канале
Подробнее: http://tuganaylar.ru/news/novosti/aybagyru-byt

Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.