Кофеның файдасы һәм зыяны

Файдалы яклары: ⠀

Кан йөрешен активлаштыра, кофе эчкәндә, баш мие кислород белән яхшырак тәэмин ителә, нәтиҗәдә, кешенең фикер йөртүе тизләшә;

Стресстан булыша. Кофе составында бәхет гормоны — серотонин бар һәм ул эмоциональ арудан саклый;

Кофеның чамасын белеп куллану авырулардан саклый (шикәр диабеты, бавыр авырулары, Альцгеймер авыруы, астмадан һ.б.);

Үт куыгында ташлар ясалуга киртә була;

Табигый кофе ашказаны өчен дә файдалы. Ул ашказаны согы бүленеп чыгуны көйли һәм азыкның яхшы үзләштерелүенә булыша.

Кофеның зыяны да булырга мөмкин:

Кофены артык күп эчү нерв системасына начар тәэсир итә, организмда агрессия туа һәм кәефнең начараюына китерә;

Гипертония, тахикардия һәм башка йөрәк авырулары вакытында кофе эчү пульсның ешаюына, кан басымының күтәрелүенә китерергә мөмкин;

Кофе организмнан В6, В1, кальций һәм башка микроэлементлар юдыртып чыгу сәләте бар. Әлеге эффектны киметү өчен, аны сөт белән эчү киңәш ителә.

Күп куллану физик бәйлелеккә китерергә мөмкин һ.б.