Эремчекле печенье рецепты

Кирәк булачак: 180-200 грамм эремчек, 1 күкәй, 100 грамм атланмай, 6-7 аш калагы шикәр комы, 10 грамм разрыхлитель, бер уч шоколад тамчылары яки йөзем җимеше, 200 грамм он.

Иң элек йомшак атланмай белән эремчекне блендер белән яхшылап издерергә кирәк. Блендер булмаган очракта эремчекне башта 1-2 тапкыр иләк аша уткәреп алырга, аннан май белән озак кына болгатырга.

Бу массага күкәй, шикәр комы, шоколад, разрыхлитель кушарга. Кулдан төшерлек йомшак камыр ясыйбыз. Онны чамалап кына салырга, эремчек коры булса он азрак китергә мөмкин, куп он кушкан очракта печенье каты булачак.

Әзер камырны кимендә ярты сәгатькә суыткычка куярга. Печенье ясарга шулай җиңелрәк булачак.

Печеньеларны духовкада 170 градуста йөзе килгәнче пешерергә.

Интертат