«Юка» кабартмасы

Кирәк булачак: 600-800 грамм югары сортлы бодай оны, З күкәй, 200-250 мл сөт, 20 грамм каймак, 50 грамм шикәр комы, 2 грамм чәй содасы, 100 грамм атланмай.

Төче камыр әзерлибез. Савытка сөт салабыз, күкәй сытабыз, каймак, шикәр комы, эретелгән атланмай өстәп, яхшылап болгатабыз. Шуннан соң он һәм чәй содасы өстәп, камыр бaсaбыз. 20 минут чамасы үзләндерәбез. 100 грамлы кисәкләргә бүләбез һәм, урталарында киртек ясап, 1,5 мм калынлыкта җәябез. Һәр түгәрәкне ике яктан да алсу төскә кергәнче майлы табада пешерәбез.

Кайнар кабартмаларны өстәлгә зур тәлинкәгә өеп куеп чыгарабыз. Бал, повидло яки кайнатма белән ашарга була.

Чыганак