Нигә кибеттән алган помидорның тәме юк?

Бу нишләп шулай соң? Чөнки, сатарга дигәнен, яшел килеш җыеп алалар да, һәм, гадәттә, этилен газы белән эшкәртәләр икән. Ул яшел помидорны  хәтта 12 сәгатьтә кызарта ала ди. Тик ул газ төсен генә үзгәртә. Помидор үзе өлгергәне кебек тәмле булмый.
Алай да, кибеттә барысы да шундый булмый. Үзе кызарып җиткәнен дә табып була. Моның өчен,  сатып алганчы помидорны иснәп карарга кирәк.  Газ белән кызартылган помидорның исе юк, чын томатны шундук аерып була.
Помидорны +12 градустан түбәнрәк температурада сакларга ярамый. Суыткычта аның  тәме үзгәрә. Ул караңгы бүлмә температурасында яхшырак та тора, тәмлерәк тә була.

Фото: https://pixabay.com/ru