Фестивальдә 1-11 сыйныфта укучы 80 бала һәм 15 укытучы катнашкан
Менделеевскта М.С.Фомин исемендәге 1 нче мәктәптә халкыбыз традицияләрен, үз халкының гореф-гадәтен, мәдәниятен, телен саклау һәм үстерү максатыннан "Татар моңы" III район татар җырлары фестивале узды. Фестивальнең Гран-присын керәшен кызы Яна Шалаумова яулаган. Бу турыда "Менделеевск яңалыклары" хәбәр итә.
Фестиваль биш номинациядә үткәрелгән: татар телле мәктәптә укучылар; рус телле мәктәптә укучы вокал белән шөгыльләнгән һәм вокал белән шөгыльләнмәгән укучылар; төркем белән башкару; укытучылар. Фестивальдә район мәктәпләреннән 1-11 сыйныфта укучы 80 бала һәм 15 укытучы иҗат осталыгында сыналды.
Нет комментариев