Түбән Юшадыдагы этнопочмакны балалар кызыксынып карый

Анда еш кына авыл кешеләре, читтән килгән кунаклар һәм укучылар була.

Һәр кеше андагы экспонатларны кызыксынып карый. Шушы көннәрдә генә мәктәп укучылары да килгән бирегә. Һәрнәрсәнең атамасын сорап, ничек кулланылуы хакында белешкәннәр алар.

“Әби-бабаларыбыздан калган көнкүреш әйберләре арасында булганда, үзеңнең туган җиреңнең кадерле булуына тагын да ныграк ышанасың. Аларның көнкүрешен, йола-гадәтләрен, үз күзләрең белән күргәндәй күз алдыңа китерәсең. Ирексездән безнең бабаларыбыз җырлаган көйләрне көйли башлыйсың. Боларның барысына да тагын да ныграк үтеп керәсең, 100 еллык тарихы булган һәм әбидән калган киемнәрне киеп карыйсың”, – дип сөйләде мәдәният йорты җитәкчесе Наталья Чепкасова.