Татарстанда һава торышы үзгәрә

30 ноябрьдә, Татарстан югары атмосфера басымы кыры йогынтысында булачак. Көн ахырына көнбатыш районнарда урыны-урыны белән кар булырга мөмкин. Төнгә һава температурасы −11, −16 градуска кадәр төшә, көндез ул нибары −4, −9 градуска кадәр генә җылыначак.

Метеорологларның беренчел мәгълүматларына караганда, җомга һәм шимбә, 1-2 декабрьдә, һава торышын яңадан көнбатыш циклон билгели башлаячак.

Атмосфера фронтларын үткәндә кар, буран һәм көчле җил булуы ихтимал. Температуры фоны артачак: көндезге сәгатьләрдә һава −1,-6 градуска булачак. Юлларда бозлавык, урыны белән кар боткасы барлыкка киләчәк.

Чыганак