Татарстан синоптиклары киләсе атна башының яңгырсыз һәм җылы булачагын вәгъдә итә

Татарстан гидрометеорология һәм әйләнә-тирәне күзәтү үзәге берничә көнгә һава торышын фаразлаган. Дүшәмбе һәм сишәмбе яңгыр көтелми, һава температурасы +27 градуска кадәр күтәреләчәк.

Белгечләрнең әйтүе буенча, атнаның беренче ике көнендә – дүшәмбе һәм сишәмбедә югары атмосфера басымы йогынтысында яңгыр явуы көтелми. 4 июльдә һава температурасы +20..+25 градуска җитәчәк, ә 5 июльдә +22..+27 градус булырга мөмкин.

Интернетка күз салу да күңелне сөендерә. Интернетка ышансаң, алдагы ике атнада безне кояшлы  көннәр көтә, эсселек 30 градустан да артып китәргә мөмкин. Чын-чынлап, җәйге челлә җитә. 

Фото: Salavat Kamaletdinov 

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.