Село Чура авылы керәшен җырулары

Кукмара муниципаль районынын 6 җирлегенә кергән 10 авылда керәшеннәр яши. Болар:.Село-Чура, Түбән Үрәс, Түбән Өскебаш, Янил, Ошторма Юмья, Сәрдек-Баш җирлекләре. Моннан тыш, Кукмара шәһәрендә дә карендәшләребез күпләп гомер итә.

СЕЛО-ЧУРА (Село-Чура, Поршур, Пчеловод, Түбән Чура авыллары) авыл жирлегендә барлыгы 1355 кеше яши. Жирлектә бер урта, ике башлангыч мәктәп, өч балалар бакчасы эшли. Дүрт авылда да китапханәләре белән мәдәният йортлары гөрләп эшләп килә. Өч фельдшер-акушерлык пункты халыкка медицина хезмәте күрсәтә. XIX гасырда төзелгән, тарихи һәйкәл буларак ачыкланып, исемлеккә кертелгән Троицк чиркәве торгызылды һәм олысының, кечесенең рухи йортына әверелде. Ике гаилә фермасы, алты кибет, «Стройком» жаваплылыгы чикләнгэн сэндвич-панельләр җитештерү ширкәте һәм мал сую оешмасы эшләп тора. 1993 елда оешкан, бүген мәктәпкәчә яшьтәге балаларны һәм мәктәп укучыларын берләштереп, уңышлы эшләп килүче «Тәңкәләр» ансамбле 1994 елдан мәдәният йорты каршында оешкан «Карендәшләр» халык фольклор ансамблен яңа талантлар белән тулыландыра. 2013 елда «Карендәшләр» ансамбленә халык ансамбле исеме бирелде.