Мәләкәстә үзенчәлекле бәйрәм үтте

Бәйрәмдә авыл мәктәбе укытучылары, Мәләкәснең “Тамчыкай” һәм Иске Җирекленең “Тургай” балалар бакчасы тәрбиячеләре катнашкан.

– Алты конкурстан торган бәйгедә кызларыбыз төрле халык биюләрен биеделәр, җырладылар. Ә мода күсәткәндә нинди генә костюмнардан чыкмады икән безнең модельләр. Аш-су бәйгесендә чыккан тәм-томнарга карап авызга сулар килде. Укытучы һәм тәрбияче белмәгән, булдырмаган һөнәр юктыр ул дөньяда, алар бит гомер буе укый, гомер буе өйрәнә. Командаларның җанатарлары – балалар бу көнне үзләренең остазларын яңа яктан күрделәр, алар да балалар кебек шаяра, төрле әкият образларына кереп уйный, матур итеп җырлый, гөрләтеп бии икән диештеләр. Тамашачы бәйгечеләрне алкышлар белән куәтләп торды, рәхәтләнеп көлде, кушылып җырлады. Кичә шулкадәр күңелле үтте, халык әле озак кына таралмый утырды”, – дип хәбәр итте "Питрау" ансамбле җитәкчесе Людмила Адамова һәм мәдәният йортының сәнгать җитәкчесе Марина Казанцева.

Мәктәптән тыш та укытучылар һәм балаларның аралашуы һәркайсына шатлык китерә.