Лилия Хәйруллина белән Римма Никитина «электричка»да концерт куйган

Лилия Хәйруллина белән Римма Никитина «электричка»да концерт куйган. Башка вагоннардан пассажирларны чакырсалар да, тамашачылар санаулы гына булган.

Видеода Лилия моңлы итеп җырласа, Римма күбрәк баш киемен селкеп тора.

Инстачылар «молодцы, кызлар», «бу вагонда рәхәтләнеп утырып йөрер идем», «Казан-Кукмара электричкасына утырасыгыз калган. Анда кул да чабырлар, басып биерләр, кушылып җырларлар иде», дип язып калдырган.

Аннары виртуаль дуслар җырчыларга аерым бәя бирүгә күчкәннәр.

«Лилия, афәрин! Моңлы татар җырларын башкарган өчен 10000 балл сиңа», «Лилия җиңүче», «Лилиянең тавышы әнисенеке кебек», «Лилия ут», «Лилия тавышыгыз моңлы», дип үсендергәннәр җырчыны.

«Лилиянең тавышы Фәридә Кудашеваныкына охшаган», дип язучыга: «Фәридә Кудашева кебек җырчы тумаган әле, сез аның моңын игътибар белән тыңлагыз, андый тавыш юк», - дип җавап биргән берсе.

«Бүрек очып китә дип торам», «Җырлый белмәгәч, нидер эшләп торырга кирәк бит, шуңа болгый, ахры», «Бу Римма җырчымыни, моңы юк бит», — дип тә язган инстачылар.

"Интертат"