"Кряшен чибяре-2022" конкурсының җиңүче – Алёна Евдокимова

Финалда 12 чибәр кыз – Кукмара районыннан Лидия Михайлова, Балык Бистәсе районыннан Эльза Гордеева, Вероника Степанова, Татьяна Ефимова, Түбән Кама шәһәреннән Эльвина Самойлова, Питрәч районыннан Регина Мухина, Яр Чаллы шәһәреннән София Комиссарова, Мамадыш шәһәреннән Светлана Иванова, Алёна Евдокимова, Алёна Архипова, Түбән Кама районыннан Светлана Егорова, Менделеевск районыннан Ксения Александрова  катнаштылар.

Беренче урынны – Алёна Евдокимова (өстәге фото) икенче урынны – Татьяна Ефимова , өченче урынны Вероника Степанова яулады. Мамадыш муниципаль районының “Кряшен Чибяре” Светлана Иванова булды.

Сулдан-уңга: Светлана Иванова һәм Алёна Евдокимова.

Шулай ук, һәрбер кыз аерым номинациядә бүләкләнде:

Эльвина Самойлова – "Онлайн Кряшен Чибяре"

Светлана Иванова – “Иң сөйкемле”

Алёна Архипова– “Иң яхшы биюче”

Алёна Евдокимова – “Иң җор теле”

Эльза Гордеева – “Иң яхшы җыручы”

Вероника Степанова – “Йолаларны яхшы белүче»

Татьяна Ефимова – «Иң интеллектуаль»

Светлана Егорова – «Иң оста чигүче»

София Комиссарова – «Халыкчан костюм иясе»

Регина Мухина – «Иң оста пешерүче»

Ксения Александрова – «Этник костюм белгече»

Лидия Михайлова – «Иң иҗади».

Чибәр, уңган кызларның барысына да  диплом һәм бүләкләр тапшырылды.

Нәтиҗәләрне игълан иткәннән соң, “Кряшен Чибяре” конкурсы гимны башкарылды.

Мамадыш районы "Кряшен Чибяре" – Светлана Иванова. 

Өченче урын яулаган чибәр – Вероника Степанова. 

Икенче урын яулаган чибәр – Татьяна Ефимова. 

  “Кряшен Чибяре” конкурсында 16-26 яшьлек хатын-кызлар катнаша. Бу конкурс, елның-елында, республика керәшен иҗтимагый оешмасы һәм Мамадыш муниципаль районы җитәкчелеге тарафыннан оештырыла.

“Кряшен Чибяре” конкурсын уздыруның максаты – яшьләрне үз телебездә аралаштыру; этник культураның бай мирасы белән якыннан таныштыру; яшьләрнең керәшен гадәтләрен һәм йолаларын өйрәнеп, аларны киләчәктә дә саклауларына ирешү; төбәкләрдәге керәшеннәр арасында ныклы элемтә булдыру.