Арчадан Рәзинә Антонова сул кулы белән рәсемнәр ясый

«Җылы назыңны кызганма» дигәндәй гарип кешенең җан сыкрануын сәламәт кеше ишетеп, аңлап җиткерсә иде. Ишетергә, аңларга тырышырга кирәк, бик кирәк. Язмыш тарафыннан кимсетелгәннәргә ярдәм кулын сузарга беркайчан да соң түгел. Кыйммәтле даруларга, катлаулы дәвалану чараларына һәм, иң мөһиме, безнең җылы карашка, таянычыбызга мохтаҗ кешеләр барлыгын онытмасак иде.

Арча районының Сәрдәбаш авылында яшәүче Антонова Рәзинә уң ягы эшләмәү сәбәпле, сул кулы белән картиналар буйый. Тормыш сынауларына бирешмичә яши. Сокланып карап торырлык, молодец. Аңа уңышлар гына телисе килә. 

Янәшәбездәге болай да үзләрен кимсетеп тойган дусларыбызга игътибарлырак булыйк, хәлләрен аңларга, күңел авазларын ишетергә тырышыйк, авыр тормышларына — терәк, сырхауларына — шифа, кайгы-хәсрәтләрендә юаныч булыйк!