9 ел "Айбагыр"да ял иткән Алексей Заһидуллин лагерның юбилей сменасында вожатый булды

Яр Чаллы шәһәре егете Алексей Заһидуллин “Айбагыр”ның иң беренче сменасына 10 яше тулмаганлыктан бара алмый кала. Әмма егет икенче елга килә һәм 9 ел рәттән лагерьда ял итә. “Әбием шушы “Айбагыр” турында сөйләгәч, башта барасым килмәде, чөнки, аңа кадәр бер лагерьда ял итү бөтенләй дә ошамаган иде. Беренче тапкыр баргач ук, ярый килгәнмен икән әле, дидем. Яңа дуслар таптым. Керәшен булсам да, халкыбызның культурасын белми идем. “Айбагыр” барысына да өйрәтте. 9 ел рәттән монда ял иттем. Бер генә ел да кәефемне төшермәде", – дип сөйләде ул.

Быел Алексей, беренче тапкыр, вожатый буларак килгән. "Монысы бөтенләй дә үзгә халәт, икенче сулышым ачылган күк булды”, – дип, хисләре белән уртаклашты Алексей.