Элек киң кулланышта булган, хәзер сирәк очрый торган керәшен баш киеме һәм бизәнү әйберләре турында Валентина Максимова язды.
Сырга (серьги) — керәшеннәрнең тасмалар белән беркетелә торган зур алкалары.
Чәчкап — керәшен кызларының бер чат кына толымнарына беркетелеп куела торган озын тәңкәле каплавыч.
Түшлек, Сакал — керәшен хатыннарының бәйрәмнәрдә киелә торган, тәңкәле зур күкрәк бизәгечләре.
Кәсилә, дәвәт, муйтомор — төрлечә әйтелешле тәңкәле күкрәк бизәгечләре.
Муенса, тамакса, муенҗака — төрлечә әйтелешле көндәлек муен бизәгечләре (тәңкәле).
Сүрәкә — керәшен хатынының кияүгә чыккач кия торган баш киеме.
Ука — сүрәкә мангайчасын чигүдә кулланылган, алтын, көмеш йөгертелгән җепләр.
Нәгыш — түгәрәк яулык, ак яулыкны чигүдә кулланылган бик борынгы чигү алымын керәшеннәр шулай атый. Бу чигү керәшеннәрдә һәм удмуртларда гына бар.
Фото: Алина Кондратьева
Нет комментариев