Җырчы Ильмира Нәгыймова: «Әбием - керәшен»

Блогер Олеся үзенең социаль челтәрендә «сәхнә арты» дигән рубрика ачып җибәрде. Ул татар эстрадасы артистлары концертларында булып, сәхнә арты тормышын күрсәтә, артистларга төрле кызыклы сораулар бирә. Бу юлы ул танылган җырчыларның берсе  Ильмира Нәгыймова белән аралашкан. Аралашу вакытында Ильмираның әбисе керәшен икәне ачыкланган.

«Минем әти ягыннан әбием Анастасия Петровна – керәшен. Ул Менделеевск районының Иске Гришкин авылыннан. Минем балачагым да шул авылда узды. Бүгенге көндә дә анда еш кайтабыз. Әле әти белән анда йорт төзеп ятабыз. Минем туганнарымның яртысы керәшеннәр, туганнан туган энем Сергей дә керәшен, ул – бүгенге көндә махсус хәрби хезмәттә. Бөтен туганнарым белән дә горурланам, берсен дә аермыйм, татары да, керәшене дә минем өчен бер. Ә болай, миндә 50 процент керәшен каны ага дип әйтү дөрес булыр», – дип елмаеп сөйләде җырчы, ярым карендәшебез Ильмира. 

Бәлки, алга таба Ильмираның керәшен җыруларын башкаруын да ишетербез.