Пчеловод халкы «Авыл көне»н бәйрәм итте

Бәйрәм бик күп шатлык, күңелле мизгелләр бүләк итте. Авыл халкының бердәмлеге, дуслыгы, бер-берсенә булган ихтирамы тагын бер кат расланды. Балаларның көләч йөзләре, олыларның канәгать карашлары – менә шушылар авыл көнендә зур бүләк.

«Бигрәк тә, барыбызны да бушлай үзбәк пылавы белән сыйлаган Роберт Павловичка рәхмәтлебез. Шулай ук, безнең авылда туып-үскән үзешчән җырчыларыбызга бик матур чыгыш ясаганнары өчен зур рәхмәтләребезне җиткерәбез.

 Киләчәктә дә шундый матур, истәлекле чараларны бергәләп үткәрергә насыйп булсын. Авылыбызның һәрбер кешесенә сәламәтлек, бәхет, иминлек телим. Бәйрәмне оештыруда катнашкан һәркемгә, килгән һәр кунакка, авылдашларыбызга тагын бер кат зур рәхмәт», – дип язды клуб җитәкчесе Лариса Александрова.

Фото, видеолар Лариса Александровадан.