Мәләкәс мәдәният йортына халык “Баллы Спас”ка җыелды

Бу көнне мәдәният йортына йола-гадәтләрне яратучылар һәм, әлбәттә, татлы ризыкка битараф булмаганнар җыелган.

«Без Баллы Спас бәйрәмен билгеләп үттек — бу көннән халыкта бал аерту башлана һәм җәй озатыла. Башта кунаклар бу көннең ни өчен Беренче Спас дип атауларын, ата-бабаларыбызның балны ничек аруландырулары һәм ни өчен «баллы» коймаклар пешерүләрен белделәр. Аннары җырулар яңгырады. Күңелгә үтеп керә торган моңлы җырларга олысы да, кечесе дә кушылып җырлады. Төп вакыйга чәй өстәле артында булды: шифалы үләннәрдән ясалган хуш исле чәй, Казанцевлар гаиләсенең бал кортлары җыйган татлы бал һәм кызарып пешкән коймаклардан барысы да авыз итте», — дип сөйләде мәдәният йорты хезмәткәре Людмила Адамова.

Фотолар: Л.Адамовадан.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.