«Кряшен Чибяре - 2025» конкурсы финалы 7 сынаудан торачак

Быел «Кряшен чибяре-2025» титулына ия булу өчен, 6 чибәр керәшен кызы көч сынашачак. Аларны финалда 7 сынау көтәчәк. Һәр сынауда билгеле бер критерийлар буенча 1дән алып 5кә кадәр баллар бирелеп барылачак

Беренче сынау – «Визитка – Мин керәшен». Бу турда кызлар үзләре, мавыгулары һәм конкурста ни өчен катнашулары турында сөйлиячәк. Ул видео, фото-презентация, монолог, театраль форматта булырга мөмкин.

Икенче сынау – «Милли кием». Чибәрләр этник керәшен күлмәкләре киеп, аны сәхнәдә күрсәтәчәкләр.

Өченчесе – «Йола». Конкурсның финалына кадәр, жирәбә белән, һәр кызга керәшен йолалары һәм бәйрәмнәренең берәрсе бирелә. Алар шул йоланы дуслары, туганнары, ягъни «группа поддержки» белән сәхнәдә күрсәтәчәкләр.

Дүртенче сынау – «Этника» – иҗади номер. Ул җыр, бию, нәфис сүз, музыка уен коралында уйнау булырга мөмкин.

Бишенче – «Ватан саклаучылары». Кызлар үз нәселләрендәге Бөек Ватан сугышы ветераннары, тыл ветераннары, махсус хәрби опреациядә һәм башка хәрби конфликтларда катнашучылар турында сөйлиячәк. Ул видеоформатта булачак.

Алтынчысы – «Такмаклар». Кызлар, үзләре темага кимендә 3 такмак уйлап чыгарып, аны башкарырга тиеш булачак. Конкурсанткалар такмакларны кара-каршы җырлаячак.

Җиденче сынау – «Дефиле». Финалистлар стильләштерелгән күлмәкләрне сәхнәдә күрсәтәчәкләр.

Исегезгә төшерәбез, 12-15 июньдә – «Кряшен чибяре – 2025» конкурсының әзерлек этабы узды. 

Эльмира Шрыкова фотосы