Хәбәрләр

Керәшен Сәрдесендәге Изге Николай Чудотворец чиркәвенә 20 ел булды

23 июнь 2026 - 11:55 Автор:

Туганайлар

357

20 июнь көнне Питрәч районының Керәшен Сәрдәсе авылындагы Изге Николай Чудотворец чиркәвенең 20 еллыгын билгеләп үттеләр.

Бәйрәм келәвен үткәрү өчен Казан шәһәренең Тихвин чиркәве настоятеле протоиерей Алексий Колчерин, Балтач районы благочинные протоиерей Сергий Нечипоренко, Кукмара районының Село-Чура авылындагы Троицк чиркәве настоятеле иерей Рафаил Федоров, Яр Чаллы епархиясе клириклары иерей Николай Храмов һәм иерей Михаил Миронов, Чистай епархиясе клириклары иерей Артемий Ямашев һәм иерей Валерий Кузьмин килделәр.

Бәйрәм келәвен Питрәч чиркәү округы благочинные иерей Ярослав Петрущенков җитәкләде.

Җирле халык белән беррәттән, республикабыз районнарыннан да керәшеннәр җыелды. Бәйрәм чаралары уртак табында дәвам итте. Кунаклар алдында җирле "Чулпы" фольклор ансамбле чыгыш ясады.

Революциягә кадәр бу авылның үз чиркәве булмаган, авыл халкы Урта Сәрдә (Русская Серда) приходына караган. Хәзерге чиркәү 2005 елда бу авылдан чыккан Николай Мухин акчасына төзелгән. Беренче келәү 2006 елның 25 июнендә иерей Димитрий Сизов тарафыннан үткәрелгән.

Фотолар А. Маннаповтан.