Карендәшләребез ТНВ телеканалының Яңа ел концерты съемкасында катнаштылар

Бу көннәрдә генә, ТНВ телеканалы Яңа ел концертын төшергән. Талантлы җырчылар арасында карендәшләребез Винера Ганиева, Вадим Захаров, Алина Давыдова, Людмила Аланлы да бар.

“Озакламый, Яңа ел төнендә матур җырларыбызны тыңлап сөенерсез, туганайларым. Мин анда шагыйрә Зинаида Захарова сүзләренә, үз көемә язылган «Сөйгән ярыма» дип исемләнгән җырны башкардым. Шулай ук, үземнең «Яңа елда» дигән шигыремне дә укыдым”, – диде Людмила.

Һәркемгә дә Яңа ел концертында яраткан җырчыларыбызның талантын күреп, аларның башкаруында яңа җырларны һәм шигырьләрне тыңлап, бәйрәм кәефен күтәрергә мөмкинлек булсын.

Людмила Аланлы фотосы.