Югары Кондрата авылында Алма Спасын билгеләп уздылар

Бу көнне авыл халкы бергә җыелып, җәйнең соңгы аен озаттылар. Бәйрәмдә җыр-биюләр бер дә тынмады.

«Сәхнәдән яңгыраган халык җырулары күңелләрне җылытты. «Сандугач» фольклор төркеме һәм җирле үзешчән артистларыбыз үзләренең чыгышлары белән тамашачыларга чын бәйрәм кәефе бүләк иттеләр. Бәйрәмнең төп бизәге – самавырдан чыккан хуш исле чәй һәм өстәл тулы сый-хөрмәтләр булды. Һәркем үзе пешергән алмалы ризыклары белән мактана алды. Бәлешләр конкурсы аеруча кызыклы узды! Жюрига иң тәмлесен һәм матурларын сайлау җиңел булмады. «Иң матур бәлеш» номинациясендә –  В. Чалмаева, «Әбиләр сере» (классик рецепт) буенча — Л.Муллагилова, «Алма фантазиясе» (оригиналь рецепт) өчен –  О.С.Кондратьева һәм Т.Н.Павлова җиңү яуладылар. Шулай ук, С. Чурина әзерләгән искиткеч тәмле җиләк ширбәте дә бәйрәмгә килүчеләрнең күңеленә хуш килде», – дип яздылар мәдәният йорты хезмәткәрләре.

Оештыручылар бу матур кичтә катнашкан һәркемгә, үзләренең җылылыгын һәм хезмәтен кызганмаган авылдашларга рәхмәтләрен җиткерәләр.

Фотолар Югары Кондрата мәдәният йортыннан

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.