Фото астына язган комментарий мәхәббәткә юл салган

Лариса Горшунова һәм Олег Филиппов икесе дә Питрәчтән. Лариса – Казанның инфекция больницасында медсестра-анестезист, ә егете Олег, кирпеч заводында өлкән оператор булып эшли. 

«Без читтән генә бер-беребезне белә идек инде. Җәйнең бер көнендә социаль челтәрдә Олег бер фотома комментрий итеп, «матур» дип язып җибәрде. Шуннан аралаша башладык. 3 ел узгач, очрашып йөри башлаган көнне кияүгә чыгарга тәкъдим ясады. Керәшен кызы буларак, эчтән генә «булачак ирем дә керәшен булса иде» дип теләп йөрдем. Шулай булып чыкты да, – дип сөйләде Лариса.

Ә шушы көннәрдә Филипповлар гаиләсе кыз сорарга барганнар. Анысы да үзебезчә, керәшенчә булган. Ишектән керә-керешкә керәшен җырулары җырлап өй түренә узганнар, кунак сыйлаганда да йоласына туры китереп, җыру белән башкарганнар.

«Туй итәргә уйлыйбыз» дип планнары белән уртаклашты яшьләр.

Роза Абдуллина (Никитина) фотосы