Хушбуйны (духи) ничек сибәргә?

• Хушбуйны чиста тәнгә, өйдән чыгарга 30 минут кала сибәргә кирәк. Шул вакыт эчендә аның исе тулысын-ча ачылачак. Коры тәндә иң сыйфатлы хушбуй да озак тормый. Шуңа иң элек тәнгә иссез лосьон яки крем сөртергә, 10-15 минуттан хушбуй сибенергә кирәк.
• Хушбуй исе өстән аска төшми, ә астан күтәрелә. Шуңа аны тез астына, кул бөгелгән урынга, беләзеккә, муенга, колак артына һәм чәчкә сибәләр. Пульс нокталарына сипкәндә исе яхшырак ачылачак.
• Хушбуйны киемгә сипмәгез. Беренчедән, ул таплар калдыра, икенчедән, киемдә аның исе үзгәрәчәк. Шарф, перчаткага гына бераз сибәргә ярый.
• Хушбуйны чәчкә сибәргә рөхсәт ителә. Моның өчен махсус гидропарфюм да чыгарыла, аның чәч сәламәтлегенә зыяны юк.
• Хушбуй исе тәндә озак саклансын өчен шундый ук исле лосьон яисә крем да сатып алырга кирәк.

Файдалы киңәшләр