Ураза ашлары: бәрәңге белән гөмбә запеканкасы

7-8 бәрәңге, 250 гр свежий гөмбә (шампиньон), 2 баш суган, 4 тырнак сарымсак, 3 аш калагы сыек май, ярты чәй калагы тимьян, кара борыч, тәменчә тоз кирәк булачак.

Бәрәңгеләрне әрчеп, түгәрәкләп, суганны ваклап турыйбыз, сарымсакларны кыскыч аша чыгарабыз, гөмбәне майда кыздырып алырга да мөмкин. Табага юка рәтләр ясап бәрәңге, гөмбә, суганны тезәбез. Араларына тәмләткечләр һәм сарымсакны сибәбез дә духовкага куябыз. Ярты сәгать дигәндә запеканка әзер.

Фото: 1000.menu