«Медовик» торты (рецепт)

Кирәк булачак: 4 аш калагы бал, 4 күкәй, 1 стакан шикәр комы,1 пачка маргарин, сода, 6 стакан он.

Бал, күкәй, шикәр комын бергә кушып яхшылап туглыйбыз. 1 пачка маргаринны эретәбез. Маргарин эреп бетүгә камырга 1 чәй калагы сода салып бутыйбыз да май өстенә төшерәбез. Аннан соң он кушып бутыйбыз һәм камырны 1,5-2 сәгатькә ял итәргә куябыз.

Шул арада крем ясыйбыз. Моның өчен 1 литр сөтне кайнатырга куябыз. Икенче савытта 0,5 литр сөткә 1 стакан шикәр комы, 1 күкәй, 2 сыңар уч он салып салкын килеш бутыйбыз. Аннан кайнап чыккан сөткә җайлап кына болгата-болгата салабыз һәм уттан алып суытырга куябыз.

Камырны түгәрәк җәеп «коржик»лар ясыйбыз, духовкада пешерәбез.

Соңыннан, тортны өеп, бизәсе генә кала. Мул итеп буялган крем яхшылап сеңсен өчен 10-12 сәгать кирәк. Өстен үзегез теләгәнчә бизи аласыз.

Казаннан Лариса Николаева фотосы.