Кычыткан ашы пешерәбез

Кирәк булачак: аш шулпасы, яшь кычыткан, 1 кишер, 1 баш суган,2-3 бәрәңге, 2 күкәй, каймак.

Кычыткан яфракларын юып, 2-3 минутка кайнап торган суга салып алабыз да өстенә салкын су коябыз. Суы саркыгач, кычытканны вак итеп турыйбыз. Шул арада суган, кишерне табада үсемлек мае белән кыздырабыз. Шулпада башта бәрәңгене пешерәбез. Аннан соң кыздырылган кишер белән суган, алар пешеп чыккач, кычытканны салабыз. Пешеп җитәрәк, аерым савытка 2 күкәйне ватып, туглыйбыз һәм шулпага болгата-болгата өстибез.1-2 минут чамасы кайнагач, сүндерәбез. Теләсәгез, тәмләткечләр дә өстәргә мөмкин. Табынга куйганда каймак салып бирәбез.

Ашларыгыз тәмле булсын!