Линзаның күзгә нинди зыяны бар?

Офтальмолог Гөлжиян Аржиматова «Говорит Москва» радиостанциясенә биргән интервьюсында линзаларның күзләргә зыяны турында сөйләде. Бу хакта РИА Новости яза.

«Линзалар киеп йокларга ярамый. Аларны, һичшиксез, энзим эретмәләрдә эшкәртергә кирәк, чөнки линзаларда микроблар үсә. Линза чиста булырга тиеш.

«Аларны кияр алдыннан, һичшиксез, кулларыгызны юыгыз», — диде табиб. 

Табиб билгеләп үткәнчә, линзаларны дөрес кулланмау еш кына җитди проблемаларга китерә, алар хәтта күзләр өчен куркыныч булырга мөмкин. «Ялгыш кына идәнгә төшкән линзаларны алып кигән пациентларга берничә тапкыр операция ясаганым бар. Пычрак линзалар кию куркыныч нәтиҗәләргә дә китерергә мөмкин», — диде Аржиматова.

Табиб гади гигиена кагыйдәләрен үтәргә киңәш итте. 

Чыганак: Интертат

Фото: https://pixabay.com/ru