Хәрби операциядә катнашучылар ипотека торагына хокукны рәсмиләштерүне кичектерә алачак

Аерым алганда, «Ташламалы ипотека» программасы буенча шәхси йорт төзү яки сатып алу өчен кредит алган кешеләргә милеккә хокукны теркәү өчен кичектерү биреләчәк, дип хәбәр итте РФ премьер-министры Михаил Мишустин.

«Егетләр хәзер хезмәт итә, һәм аларны формальлекләр белән шөгыльләнү ихтыяҗыннан азат итү мөһим», – дип яза «Российская газета» Мишустинның сүзләрен. Ул Министрлар Кабинетындагы утырышта чыгыш ясаган.

Моннан тыш, «Ерак Көнчыгыш ипотекасы» программасында катнашучыларга процент ставкасы шартлары саклана. Шулай ук аларның сатып алган яки төзегән торак бинасында пропискага, стандарт шартлардан аермалы буларак, соңрак керү мөмкинлеге кала.