Җырчы Җәкәү җортында халык биюләренә багышланган семинар үткәрәчәкләр

28 сентябрь көнне Казанның Я.Емельянов исемендәге мәдәни үзәгендә халык биюләре үзенчәлегенә багышланган семинар  була.

Семинарның максаты – культура хезмәткәрләренең, хореографларның, фольклор коллективлары җитәкчеләренең керәшен халкының бию традициясе тармагындагы профессиональ осталыгын һәм белемнәрен арттыру.

Анда, шулай ук, керәшен биюен башкару алымнарына кагылышлы мәсьәләләр каралачак.“Этнография и танцевальный фольклор народов Среднего Поволжья” китабының презентациясе дә була. Семинар барышында фольклор коллективларның җитәкчеләре һәм хореографлар өчен махсус әдәбият тәкъдим ителә.

Казан дәүләт мәдәният институты укытучысы Оксана Коваленко – хатын-кызлар биюе, ә “Бәрмәнчек” дәүләт фольклор ансамбленең бию төркеме репетиторы, балет артисты Радик Шәйхетдинов ирләр биюе техникасы буенча мастер-класс уздырачаклар.

Соңыннан анда катнашучыларга сертификатлар тапшырыла. Семинар иртәнге сәгать 10да Я.Емельянов исемендәге үзәктә (М.Худяков урамы, 11нче йорт) башлана.

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.