Үридә яшәүче карендәшебез Юрий Гордеевтан Яңа ел теләкләре

Балык Бистәсенең көр күңелле үзешчән композиторы, куп җырлар авторы Юрий Гордеевның Яңа елга теләкләре:

«Иске ел безнең гаилә өчен уңышлы гына узып бара. Бу ел безнең өчен истәлекле ел булды. Сентябрь аенда кече улыбыз — Артем өйләнде. Ике киленле булдык. Әле күптән түгел, буш торган абзарыбызга да дүрт аяклы ия табылды. Исән-сау булып, сөт ризыклары ашарга насыйп булсын иде. Яңа елга алдан зур планнар корган юк. Төкле аягы белән килеп, илебезгә тынычлык китерсен. Барлык кешеләргә дә исәнлек-саулык, уңышлар, гаилә бәхете телим. Быелгы ел славян календаре буенча кара поши елы. Ул һәркемгә иҗади үсеш, финанс ягыннан муллык, иркенлек, гаилә иминлеге, ә илебез өчен тотырыклылык алып килсен иде».