1 сентябрьдән диспансеризация узганда яңа тикшерүләр һәм үзгәрешләр булачак

ТАСС язганча, махсус карталарга табиблар хәзер пациентның липид профиле турында мәгълүмат кертергә тиеш булачак. Ведомство документында мондый профиль пациентның холестеринга (ЛПВП, ЛПНП, ЛПОНП) һәм триглицеридларга кан анализын тапшырганнан соң алынган мәгълүматларны исәпкә алып формалашуы әйтелә.

Яңа кагыйдәләр буенча медицина хезмәткәрләре диспансеризация вакытында йөрәк ишемиясе авыруы ихтималын да бәялиячәк. Диспансерлаштыруның икенче этабын узганнан соң картага дерматовенеролог һәм корсак аортасын УЗИ тикшерү нәтиҗәләре кертеләчәк.

"Зәй офыклары"

Керәшен дөньясындагы яңалыкларны МАХ-канал да карап барыгыз. 

Хәбәрләрегезне 89172509795 номерына языгыз, шалтыратып әйтегез.