Үри, Бирдебәк авылларында шефлык оештырганнар

Үз йортлары белән яшәүчеләрнең әле генә көрәп, чистартып куелган ишегалларын берничә сәгать үтүгә яңадан кар белән каплый. Олы яшьтәге ялгыз кешеләргә мондый мул явым төшем белән көрәшү бик авыр. Шуны күздә тотып, күп кенә авылларда ярдәм кулы сузучылар да булган.

“Безнең халыкта элек-электән өлкәннәргә хөрмәт һәм ярдәм итү изге эш дип саналган. Тәрбия эшендә дә без моны үзебезнең максатыбыз һәм бурычыбыз итеп саныйбыз. Балаларда шәфкатьлелек, кешелеклелек, миһербанлылык сыйфатлары булдырырга тырышабыз. Шул уңайдан, авылыбызда яшәүче өлкән яшьтәге Вера Михайловага мәктәп укучысы Руфинә Шакирова белән ярдәмгә ашыктык. Карын көрәдек, сөйлэшеп хәлләрен белештек. 21январь көнне укучылар белән берлектә өлкәннәргә шефлык оештырдык. Ялгыз яшәүче сугыш чоры балаларының капка төбен кардан чистарттык. Игелек эшләүне дәвам итик! Кешегә бер яхшылык эшләсәң, үзеңә мең булып кайтыр”, – дип язды Бирдебәк авылы мәдәният йорты җитәкчесе Евдокия Толстова.