Сарман районы Ләке авылы хаклы “Чанафест-2020” ярышында катнашкан

Анда районның барлык авыл җирлекләре дә катнашкан. Конкурсның шарты – креатив чана әзерләү. Һәр команда да исем, девиз һәм музыкаль номер белән килергә тиеш булган. Чара ТАССРның – 100, Бөек Җиңүнең 75 еллыкларына багышланган.

“Безнең авыл командасының исеме – “Ләке гөлләре” иде. Ә девиз бигрәк тә кызык килеп чыкты: “Күпме генә корт ашаса да, без чәчәк атып торабыз”. Беренче тапкыр уздырылуга кармастан, бик күңелле булды, рәхәтләнеп чана шудык, ял иттек”, - диде Ләкедән Римма Тимирова.

Барлык катнашучылар да дипломнар тапшырганнар, җиңүчеләргә бүләкләр биргәннәр.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.  Яңалыкларыгызны 89172509795 номерына "Ватсап" аша языгыз.