Настя түти үзе үстергән кабаклары белән үгезләрен сыйлый

Авыл җирлекләрендә яшәүчеләр соңгы вакытта кабак утыртуга зур игътибар бирә башлады. Бәлеше, боткасы да тәмле һәм файдалы, терлекләр дә яратып ашый, диләр. Настя түти дә быелгы кабакның уңышы мулдан булуы турында сөйләде:

«Авыл җирендә яшәгәч, мал асрамый тормыйбыз бит. Ә кабакны үгезләр бик яратып ашый, аларны сыйлыйбыз, симертәбез. Алай гына түгел инде, үзебез дә файдаланабыз. Пирогын пешерәбез, киленем согын ясый. Кеше өчен кирәкле элементлар барысы да кабак орлыгында бар. Организмга, бигрәк тә бавырга файдалы булуын ишеткәнегез бардыр», — дип сөйләде Настя түти.