«Многоликая Россия» конкурсында җиңүчеләр бүләкләнде

Конкурста катнашучыларны котларга Россия Дәүләт Думасы, Татарстан Дәүләт Советы вәкилләре, «Татмедиа» Республика матбугат һәм массакүләм коммуникацияләр агентлыгы җитәкчеләре, дин әһелләре һәм башкалар җыелды.

«Массакүләм мәгълүмат чараларында балалар-яшүсмерләр мәгърифәтчелек проектлары» номинациясендә безнең «Татмедиа»дагы «Ялкын» журналы проекты булган «Шәп блогер» медиа-мәктәбе III урынга лаек булды. Бу медиа-мәктәпнең җитәкчесе — Илназ Фазуллин. Этнопроектта төрле милләт вәкилләре катнаша – татар, керәшен, удмурт, чуваш һәм башка блогерлар. Араларында безнең «Туганайлар» редакциясенең SMM белгече Олеся Дмитриева да бар.