Митрополит Кирилл керәшен приходында келәү уздырды

10 январь көнне Казаз һәм Татарстан Митрополиты Кирилл Яр Чаллы шәһәренең  «Неупиваемая Чаша» храмында, Ирод тарафыннан Вифлеемда җазаланган 14 000 сабый истәлегенә, келәү уздырды.

Келәүне алып баруда Митрополитка керәшен священниклары да – «Неупиваемая Чаша» храмының настоятеле протоиерей Владимир Иванов һәм Татарстан митрополиясенең керәшен приходлары благочинные Павел Чурашов – ярдәм итә. Шулай ук, иманнар, дини җырыулар чиркәү-керәшен телендә дә башкарыла.

Келәүдән соң, Владыка барлык җыелганнарны Христосның Туым бәйрәме белән котлый. Шулай ук, ул декабрь аенда гына приход настоятеле итеп билгеләнгән отец Владимирга изге эшендә уңышлар теләп, аның ныклы приход туплавына ышанычын белдерә. “Президент Рөстәм Миңнеханов Татарстанның керәшен җәмәгатьчелеген хуплый, ярдәм итә. Көченнән килгәнчә ярдәм кулы сузганнарга, меценатларга да Ходай булышлыгы телим”, – дип тәмамлады ул сүзен.

Искәртеп китик, «Неупиваемая Чаша» храмы 2019 елның җәендә төзелә башлый, ә инде шул ук елның декаберендә анда беренче Литургия уза.