Менделеев районында урман территорияләреннән чүп-чар җыйдылар

Активистлар «Татарстанның чиста урманнары» республика табигатьне саклау акциясенә кушылдылар. Пирчәткәләр, капчыклар һәм яхшы кәеф белән коралланып алар Иске Гришкин һәм Бәзәкә җирлекләрендә, Менделеевск урманчылыгы участоклары чикләрен тәртипкә китерделәр, - дип хәбәр итте "Менделеев яңалыклары". 

– Табигатьне үзең өчен генә түгел, үсеп килүче буын өчен дә сакларга кирәк. Урманнарны бергәләп чистартыйк, – дип халыкны өндәде урманчылык участковые Әкъмәл Мөхәмәтҗанов.