Кукмаралылар «Гөргери кияүләре»н сәхнәләштерү өстендә эшлиләр

“Тамашачылар спектакльне бик җылы кабул итәр дип ышанабыз. Чөнки спектакль үзе дә бик кызыклы, аны яратып карамаган, укымаган кеше юктыр. Шуның өстенә без спектакльнең эчтәлеген бозмый гына керәшен мөхитен күбрәк күрсәтергә телибез. Бу спектакльгә күп итеп керәшен җыруларын кертергә һәм йолаларыннан күренешләр алырга уйлап торабыз. Төп рольдәге керәшен кызын Римма Сәләхетдинова уйнаячак. Ә инде җырулар белән Село-Чура кызлары чыгачак”, – дип сөйләде спектакльнең режессеры Рамил Сәләхетдинов.