Керәшен кызлары кигән калфаклар белән таныштырабыз

Кияүгә чыкмаган кызлар бары тик калфак кигәннәр. Кияүгә чыккач, бер ел – түгәрәк яулык, аннары аны салып, мәләнчек белән яулык бәйләгәннәр. Шулай ук, ир хатыннары беркайчан да калфак кимәгән. 

Төрле як керәшеннәренең төрле ысул белән эшләнгән калфакларын тәкъдим итәбез.

Кызлар баш киеме – ак калфак. 

Башына ак калфак кигән кыз (арка яктан). Казан арты.   

Ак калфаклы кыз. Мишә буе төркеме (Казан арты). Кызның өстендә алачадан тегелгән күлмәк һәм алъяпкыч, башында ак калфак һәм ука-чачак, тәңкәле бизәнү әйберләреннән олы сырга, түшлек һәм муенса.   

 Кызларның тамбур чигелешле калфак-чачаклары. Казан арты.

Башына калфак-чачак кигән, чәч толымына чәчкап (тезмә) бәйләгән кыз. Мишә буе төркеме.

Ука-чачак

Калфак өстеннән маңгаена ука-чачак бәйләгән кыз.

Р.Г. Мөхәмәдованың "Керәшен киемнәре" китабыннан алынды.