Хәбәрләр

Ижевка авылында «Яулык - милләт символы» ЭТНО-фестивале узды

31 август 2021 - 11:37 Автор:

Туганайлар

759

Матур мәйданда илнең төрле почмакларыннан 39 иҗат коллективы җыелды

28 август көнне Менделеевск районы Ижевка авылында «Яулык - милләт символы» ЭТНО-фестивале узды. Монда Балык Бистәсе, Сарман, Менделеевск, Яшел Үзән районнарыннан килгән карендәшләребезне һәм башка иҗат коллективларын күрергә була иде.

Фестивальдә катнашучыларны һәм кунакларны район башлыгы урынбасары Ләйсән Галиева котлады. Фестиваль кысаларында катнашучылар җыр-бию этнокомпозицияләре, милли уеннар, әкиятләр һәм әкият геройлары белән таныша алдылар. Бәйрәм кунаклары өчен милли кухня, яулыклар сату күргәзмәсе, балалар өчен интерактив зоналар әзерләнгән иде.