Якты Күлдә «Илнең төп китабы» дип аталган мәгълүмат сәгате узган

Чарада катнашучыларны Конституциянең барлыкка килү тарихы, аның структурасы, Россия гражданнарының хокуклары һәм бурычлары белән таныштырдылар, дип хәбәр итә «Зәй офыклары». Монда шулай ук, «Мин — Россия гражданы» китап күргәзмәсе дә булган.

«Балалар хокукый викторинада актив катнаштылар, Россия Федерациясенең төп символларын искә төшерделәр. Чара барышында туган ил турында шигырьләр яңгырады. Балалар үзләре өчен Конституциянең дәүләт өчен әһәмиятен үзләштерделәр, хокукларны гына түгел, бурычларны да белергә кирәк, дигән нәтиҗә ясадылар», — диде мәдәният йорты директоры Татьяна Егорова.